[生活] 移民日記 寵物移民

近期有唔少朋友開始真正落實移民計劃，相信香港移民潮將會持續好一段時間。除咗最多人關心提取強積金手續之外，另一樣比較多人關心就係有關寵物移民的手續及移民公司的選擇。

[生活] 移民日記 寵物移民

由2019年開始，喺全球疫情影響下，飛機航班大量縮減，貨物運輸變得非常緊張。大部分國家都要求將寵物當作貨運處理，寵物機位變得十分罕有。以我兩隻家貓為例，等候機位足足用了三個多月，而到埗後需要隔離十日。前前後後差不多分開了半年，各位主人在移民前要事先做好心理準備。

有關寵物移民規例每個國家都有不同標準。以最嚴格要求的澳洲為例，出發前寵物需要驗血（ 確定品種），注射晶片及瘋狗症預防針等等程序。以上全部程序都可以在愛護動物協會辦妥，但不能同期執行，每個項目大約相隔一個月左右，到完成所有程序大約半年時間，計劃時要預留足夠準備時間。

因為澳洲的嚴格要求，所以早在一年前已經開始四出物色寵物移民公司。兩隻家貓比較細膽，要搵一啲比較細心嘅移民公司（可惜最後都有啲失望），經過一輪選拔及格價之後揀咗Pet Mover（用後感可見下文）。

當時亦親身到 Pet Mover office 視察環境，為確保衛生情況理想及了解更多有關寵物移民所需的手續。

簽妥文件之後，就開始為兩隻貓進行不同類型的檢查。半年內不斷進出位於何文田的愛護動物協會，就是為帶兩隻貓進行不同檢查及預防注射。

動物必需確定品種才獲准進入澳洲，先帶兩隻貓到愛護動物協會（RSPCA）進行抽血，再送到英國化驗。

其後數個月再分次帶到RSPCA注射各種疾病、瘋狗症預防針，及注射動物識別晶片。

使用移民公司的原因，就係要分擔安排機位及煩瑣的檢疫手續，當中最重要就係要爭取極為短缺的貨運機寵物機位。

疫情期間多國暫停航班往來，幾乎所有航空公司暫停寵物運送。而動物要進入澳洲，每個月減至一、兩班機，每機只有兩個機位，直航機位簡直一票難求。

最後經過兩次改期、三個月後終搶到兩個機位。

搶機位過程雖然順利，但對航空公司臨時加價。若果在這時候拒絕接受建議，便會超出簽證期限所有程序必須重做，有種肉隨砧板上的感覺。

終於搶到機位，準備出發嘞。

準備離開香港嘞，上機前最後一刻。

飛機雖然已離開香港，但離入境澳洲大陸仍有段距離。所有到埗動物即使已經通過檢疫檢查仍必需進入隔離中心隔離十日。

寵物隔離中心的環境，不需住籠而且可獨佔一室，更有暖氣開放，真係好享受。

經過十日隔離，順利通過檢查及檢疫後就可以離開。 隔離中心位置偏遠 當時未有私家車，需要移民公司安排接送。

寵物移民的初始報價單（埋單當然唔係咁平啦！）

經過千辛萬苦加上多個月嘅等待，兩隻貓終於安全順利送抵澳洲墨爾本嘅新屋企。一聽到運輸公司車輛停泊，就急不及待衝到門前迎接兩位大少爺。

分隔四個月後，終於送抵墨爾本

剛到新屋時兩隻貓有點驚慌，一離開籠子便立即躲起來

分隔數月，經過一大輪運輸旅途的驚嚇之後，兩隻貓可能驚惶未定唔太認得我哋。再加上去到一個完全陌生嘅環境，一入屋當然立即躲入梳化底。經一小時相處後大概認得我哋，開始慢慢認識呢個新地方。

好快佢哋已經適應新環境，可以好安心咁休息嘞。

Pet Mover 移民寵物移民公司用後感：

1. 熟悉寵物移民所需手續及要求

2. 收費偏貴但無隱藏收費

3. 溝通失當（ 航空公司加價，完全沒有通知客戶，到上機前一日才突然要求匯款）

4. 經常搞錯客戶資料（ 搞錯上門接送寵物時間，寵物到機場後白等一晚）

5. 運送人員對動物比較粗魯

朋友更新資料，大部份寵物移民公司的價格已經上調，上述的報價單為2月份的報價，只可作參考用途。

希望以上資料可幫到大家，祝願各位及寵物平安順利移民海外展開新生活。

如喜歡我的作品，請訂閱專頁bgfotologue